Iha “ambitu asina akordu ne’e Sekretariu Estadu Komunikasaun Sosiál Expedito Loro Dias Ximenes sublinha, akordu ne’e importante teb tebes ba governu no ChildFund timor-leste hodi kria parseria ne’ebe forti liu tan servisu hamutuk, tanba realasiona ho velosidade ba avansu teknolojia oras ne’e dadauk, ema barak iha oportunidade uza espasu dijital ba iha sira nia interese privadu, komunidade no sosiedade ne’ebe la ho resposanbilidade, nune’e presiza maduru ba iha utilizasaun teknolojia no internet ne’ebe ho diak no seguru.

 

Sekretáriu Estadu mos akresenta liu tan, importánsia husi kria kooperasaun ne’e nia benefisiu prinsipal mak bele konsensiliza ba ema hotu atu bele utiliza situs espasu dijitál sira ho diak no responsabilidade.

Nota entedimentu ne’e (MoU) asina husi Sekretáriu Estadu Komunikasaun Sosial Expedito Loro Dias Ximenes no Parte husi ChildFund Timor-leste asina husi Alzira dos Reis nudar Diretora CFTL, ne’ebe akompana mos husi Diretor jeral SEKOMS, Prezidenti RTTL, E.P, Prezidenti ajénsia Tatoli, I.P Xefi departementu sira no staf husi , CFTL, Tuir planu Servisu kooperasaun entre CFTL no SEKOMS ne,e ba durasauntinan tolu hodi foku liu ba harii futuru ida ne’ebé seguru liu, forte liu ba timoroan sira.